الحب
(10) تعليقات
أضف تعليقا
من المملكة العربية السعودية
ورأي يقول
ينفع طبعا إن الولد يحسس البنت فى جواز الصالونات إنها أميرة
أولا الولد عادتا اللى بيتجة لجواز الصالونات بيكون ميعرفش بنات خالص فبتكون البنت دى أول نور يدخل فى حياتة
ودة بيخلى لها مكانة عظيمة
وكمان هو جاى يشوفها بعد ما سمع عن صفاتها الكثير الجميلة
يعنى هو فعلا جاى علشانها هى بالذات و علشان واحدة بالصفات دى بالذات
بالنسبة لزواج الصالونات لية مميزات أقوى بكتير من زواج الأختلاط
الولد لو حيقدر يضحك على عقل البنت (ودة مس سهل على ما أعتقد خاصتا إن معظم البنات حاد الزكاء) ... فمش حيقدر يضحك على عقل والدها و أمها برضو ... فحيستخدموا العقل أكتر بكتير من العاطفة وكمان حيقدروا من أول يوم يشوفوا أهل العريس و يشوفوا هل أهلة كويسين وأم لا
وللحديث بقية ...
من مصر
استنوا محدش يكتب تعلق قبلي يا جماعه انا بقى بهبلي مكنتش اعرف يعني ايه جواز صالونات مع اني كنت مخطوبه بالطريقه دي ومره واحده زملتي بتسألني فقالتي يعني صالونات استغربت وعرفت معناها بصو بقى الخطوبه اي كانت طريقتها في الوقت الحاضر مش مهم لان معدش فيه رجاله للجواز اصلا متزعلوش مني يا رجال بس دي الحقيقه مش مهم طريقة الخطوبه المهم ان البنت تتخطب اصلا وبعدها يبقى تتحل عارفين ليه لان ربنا لما يعرف ان نيتة الشاب ده انه يعف نفسه هيساعده المهم تخلي خطيبك يحبك وتدرسي اخلاقه وكمان فيه موضوع فترة الخطوبه ولا تكون قصيره ولا طويله كل ده بيجيب مشاكل يا جماعه واسئلوني انا وخدي بالك متبقيش صريحه اوووي مع خطيبك ومش كل حاجه تتقال انا بقولكم اهو وانتوا احرار على فكره انا عايزلي مليون صفحه وصفحه اعلق فيها
من مصر
استنوا عايزه اقول حاجه تانيه الواحده لما واحد يجي يتقدم لها عايزاها تكون قوية الملاحظه ايوه تعرف بس بنظرات من تحت لتحت بيعبر عن انفعلاته ازاي لانها بتعبيرات وجهه هتعرف مدى عصبيته هو ممكن يداريها بالكلام بس في الوجه بتبان بسرعه خدوا بالكو يا بنات انا همثلكم هنا والاستاذ رضا هيمثل الجانب اللي يخص الرجال وكل واحد اولى بنوعه
من سوريا
أخي العزيز {قاضي الغرام} رضا..
بدايةً أقول لك :
كل عام وأنت بألف خير...ورمضان مبارك
أخي رضا..الموضوع الذي تفضلت بطرحـــه
هو على درجة كبيرة من الأهمية..والمشكلة
ذاتها في أغلب الدول العربية..وبخاصــة
الفقيرة منها {أمثالنا}والحمد لله...
أرى أن الحل يكون فقط بعودتنا الصحيحة
إلى ديننا الحنيف...وعدم التقيد بهــذه
الشكليات الحياتية التي سيطرت علينا..
أتمنى لك التوفيق.
ودمت بكل الود0
من المملكة العربية السعودية
هذا رأي جميل أخي فاروق من سوريا الحبيبة إلى قلبي .
وفعلاً الدين هو أساس كل شيئ ولكننا في نفس المشكلة والسؤال قائم هل زواج الصالونات فيه إهانة للمرأة أم أن هذا هو الطريق الصحيح للزواج ؟؟؟؟
من مصر
الموضوع فى غاية الاهمية لان فى الوقت الحالى حركة الجواز وقفة شوية بسبب ظروف البلاد ولكن جواز الصالونات ليه شروط واولها حسن الاختيار من المتقدمين ومن المفروض لاهل احترام النظرات للفتاه المتقدمين لخطبتها عشان هما مش جينى يشتره قطعة اثاث لسى السيد عشان يحطه فى البيت وخلاص وكمان لازم يكون فى رحمة من الطرفين فى الطلبات واهم ما فى الموضوع التوافق بين الطرفين وخاصة العروسة والعريس ولازم الرجالة تعرف ان دخول بيوت الناس مش بالساهل وربنا يسعد البنات كلهم بس لازم الحب يكون موجود بين الطرفين
من المملكة العربية السعودية
ربنا يكرم كل الفتيات الزواج الصالح والمثمر بالذرية الصالحة ويكرم الرجال بالقدرة على الزواج في هذا العصر
وأدعو الأباء أن ييسروا أمور الزواج على الشباب ولا تغالوا في المهور وساعدوا أولادكم وبناتكم على الزواج فإنه فيه الخير كل الخير فما نحن فيه الأن من فساد وتدهور أخلاقي سببه تأخر الزواج
أصلحوا المجتمع بالزواج
لكم تحياتي
من مصر
على فكره زواج الصالونات مش عيب مش المهم طريقة التقدم للبنت المهم اللي جاي بعد كده الموده والحب ودول بيجوا بالعشره والعشره مقصدش بيها الزواج مرحلة الخطوبه عشره كمان بتقعدي معاه وتعرفي اخلاقه وتقربوا من بعض انا هسأل سؤال زمان كان الزواج ازاي عايزه اعرف امي وام كل قرائ تزوجت ازاي والحب اللي بينها وبين الوالد ازاي ومنين وايه مصدره والنماذج الناجحه الكثيره من الزمن القديم كيف ارتبطوا ؟؟؟؟؟؟ وربنا يسعد الجميع ومش معنى كده اني بسفه الحب قبل الزواج او الارتباط بس لازم نعرف حدود الحب ده وعلاقته بديننا ومجتمعنا
من المملكة العربية السعودية
رأي صحيح وأنا أأيد هذا النوع من الزواج لأنه يكون أكثر وعي ودراسة للطرفين في إيطار عائلي وعلني .
أضف تعليقا
<<الصفحة الرئيسية
من المملكة العربية السعودية
رأي يقول
الشاب مستحيل يبقى فى أى مستوى و هو لسة متخرج
الشقق الصغيرة الان ب 50 ألف جنية
يعنى محتاج 50 شهر علشان بس يجيب الشقة
ودى الشقة بس
فمستحيل شاب لسة متخرج يصل لأى مرحلة
و مستحيل يعرف يصبر 6 أو 7 سنوات على الزواج من غير ما ينولة من المعصية ما ينولة و قد يموت على المعصية
وكان ممكن أهل العروسة يقفوا بجانبة
وزى ما أختنا الكريمة نور الإسلام ما قالت ... بعد كدة ربنا بيجيب رزق واسع بعد الزواج
بس لو أنتظر إنة يوصل لمستوى قريب من مستوى أى بنت .... فحيستنى كتير بزيادة و دة حيسبب زيادة فى الزنوب
أية الحل بقى
الحل أن ربنا يكرمة بأهل عروسة طيبين
لإن اللى يتجوز ب100 ألف سهل علية يطلق و يدفع 100 ألف
بس اللى يتجوز ب 10 ألاف جبهم بعد ما باع هدومة بيبقى حاسس بأهمية الزواج لإنة تعب علشانة
فمشمعنى خالص إن الزوج يجيب شقة أحسن إنة حيكون زوج أحسن
بل اللى بيحصل أمامنا الأن العكس
اللى بيبدأ صغير و البنت و الولد يبنوا مع بعض بيتهم مع بعض فبيكون غالى عليهم إنة يتركوة يتهد لإن كل طوبة فية بنوها بعرقهم
أما من يدخل و كل شئ عندة ... لا يحس بالبيت اللى بانينة
أختنا الكريمة نور الإسلام لما حصل عاها مشكلة فى بيتها تمسكت بة بكل قوتها و جوارحها لإنها تعبت جدا فية ولم تتنازل عنه
وزى ما بيقولوا ... اللى يجى بسهولة يضيع بسهولة
لو البنت و الولد كان مش أبتلائهم فى الفلوس فسيكون فى حبهم لبعض أو فى صحتهم أو فى أولادهم .... علشان هو لازم أبتلاء ولازم تضحية فى الدنيا
فإما يتعبوا فى الفلوس و يبدأوا من الصفر بس ربنا حيبارك لهم فى حبهم و أولادهم و صحتهم أو حيستغنوا عن حاجة تانية